كاتب الهيبة الرد يوجه انتقاد للفنان تيم حسن
كاتب الهيبة الرد يوجه انتقاد للفنان تيم حسن
قام الكاتب السوري أحمد قصار وهو أحد الكُتّاب الذين شاركوا في كتابة سيناريو الجزء الرابع من مسلسل الهيبة “الرد” الذي يتم عرضه حاليًّا على المحطات التلفزيونية بتقديم عدّة تفسيرات وتوضيحات حول شخصية بطل االمسلسل “جبل شيخ الجبل” الذي يقوم به الفنان تيم حسن.
وقد أشار قصار إلى محولته خلال كتابته لشخصية جبل شيخ الجبل خلال الجزء الأخير بإخراج الشخصية من صورتها النمطية، إلّا أن قيام تيم حسن بتكرار عدة مصطلحات أدى إلى خلل في الشخصية.
ووجه الكاتب قصار انتقاد للفنان تيم حسن قال فيه: “ما بتذكر إنّي كتبت بالنص كلمات متل اسبت، وما تهكلو للهم، ومنتهية، وفرج… إلخ من مفردات النمط القديم للشخصية”
وأضاف أيضًا:
“المهم حاولت.. لما بديت كتابة، كسر نمطية الشخصيات بعد ما كانت منمطة بشكل كبير، وكانت مستنفذة في أجزاء المسلسل الماضية، وكان عندي الرغبة بانو أحوّل هاي الأنماط لشخصيات ومنهن شخصيتك، لحتى يكون عندهن صراع داخلي وبعد نفسي يلي بخلينا ما نتوقع ردات فعلن ويعطيهن تجديد على صعيد كل شيء”.
وتابع: “ولحتى تصير عملية التحويل هي من نمط لشخصية فكان لازم أعمل تغييرات كبيرة بأحداث العمل وكان لازم أعرّض الأنماط لتحولات جذرية عميقة تنقل النمط لمكان تاني”.
ثم قال: “وكان القرار بشخصية البطل اللي هي شخصينك بانو نعرضك لفقدان عيلتك بطريقة مأساوية كونه هالشي قادر يغتير سلوك النمط ويخلق شرخ كبير طلع معدن الشخصية الأساسي وحولوا لشخصية.
وبرضو تجربة العيش بعزلة بين الجرود وهي عبارة عن مرحلة تطهير بشكل كبير تعرضتله شخصية البطل وقدرت تغيرها وتيجي بشكل جديد ومعطيات جديدة ولغة جديدة وصار هاد الشي”.
وأكمل:
“التحول يلي عملتو بالشخصية على صعيد الأداء منيح كتير بلكن رجعت تنمط حالك بمطارح ما كان لازم تعمل هيك مهما ضغطوا صنّاع النمط الفنيين يلي بعتقد حسب معرفتي فيهن ما بيعرفو يميزوا بين النمط وبين الشخصية. والحل إنّك تطلع من هاد النمط لتروح لشي جديد بحياتك هي إنّك تعمل شخصيّات”.
وحول بداية المسلسل بالشارة فقد قال:
“وبخصوص بداية المسلسل بالشارة مكتوب تيم حسن في الهيبة، حبيبنا أستاذ تيم بدنا نبطلها ونوزن شوي، مو حلوة في كتير عالم عم يشتغلو وبياخدو العقل ومو شغلتهم يدورو بفلكك، ومتل ما حكى محمود درويش: نرسيس ليس جميلًا كما ظنّ، لكنّ صُنّاعه ورّطوه بمرآته.. يللا سلام، ومرة تانية لما بدك تترجل ما بحكيلك خد إذن بس بحكيلك استشير قبل ما تعمل هيك. وكان المفروض مدرب الممثلين ينتبه لهالشي كونه شخص أكاديمي، بس ما بعرف إذا هو بيقدر يوجهلك ملاحظة”.
وفي الختام قال:
“عفكرة أنا حبيت المسلسل وحبيت شو عملت بس هيك حبينا نناغشك. وصراعك ضد هدف نبيل وهو محاربة صناعة المخدرات مِن أسس تحويل شخصيتك، ولو صحلي أقتلك بالمسلسل أنت وعم تحارب لتحقيق الهدف كنت عملتك أحلى بطل تراجيدي، بس ما بقدر هاد باب رزق. بكل حب حبيب.. لا عاد تنمط حالك. يللا سلام نسيت أعطيك مثال توضيحي: شخصية عبود ما كانت نمط رغم أنها هيك بتبين”.
والرد هو الجزء الرابع من سلسلة الهيبة التي يقوم ببطولتها كل من:
- تيم حسن.
- أوس مخللاتي.
- عبدو شاهين.
- روزينا لاذقاني.
- الفنانة القديرة منى واصف.
- سعيد سرحان.
- ولاء عزام.
- ديمة قندلفت.
- عادل كرم، وغيرهم الكثير.
يمكن قراءة المزيد من أخبار الفن والنجوم والمشاهير من خلال الضغط هنا
