حصرياً: مكسيم خليل يرى الراحل حاتم علي في المنام
حصرياً: مكسيم خليل يرى الراحل حاتم علي في المنام
الفنان السوري مكسيم خليل ينعى الراحل السوري حاتم علي بكلمات مؤثرة جداً من خلال منشور نشره في حسابه على موقع فيسبوك يقول فيه ما يلي:
على كفوف الراحة شفتك اليوم بالمنام ما بعرف كنت عم تودعني او عم تستقبلني. عانقتني بدفى الدنيا كنت عم بتواسيني ما بعرف عم تواسيني فيك او عم تواسيني فينا. بس كنت مرتاح حاتم وشك مرتاح كتير بعمري ماشفته مرتاح لهالدرجة وابتسامة رضى فيها رضى الكون.
شكراً حاتم الله معك حاتم ياحاتم وين رايح تروح ياحاتم فتحت الجروح. هيك استقبلوك اهلك الطيبين على كفوف الراحة حملوك اخواتك وولادك يلي ياما حملتهم وحملت قصصهن وبيوتهم هيك وصّلوك اهل الوفا بلا خوف لبيتك الأبدي بأرض الشام ارض وطنك. شفت الحب؟ شفت الدفى؟ يلي متلك هنن بيكسبوا الرهان الأبدي بهي الحياة. يلي بلامس هموم الناس يلي بيحترم ذكاءهم يلي بينتصرلهم رح ينتصروله. لهيك كنت مبارح ابوهم واخوهم و ابنهم و استاذهم وشهيدهم وأميرهم. كل واحد شاف خساراته فيك وشاف احلامه فيك.
مشّونا كلنا معك بكل لحظة فتلنا الشام معك حلوين اهلنا طيبين اهلنا مكسورين اهلنا بس كبار اهلنا بقدّروا الذهب العتيق وبيعرفوا المغشوش وكلمتهم بقولوها بهيك لحظات.هي الناس هي يلي بتكتب التاريخ الحقيقي وهي يلي بتصنع الخوف والقلق الحقيقي لكل شي مو حقيقي وبتهزه اكتر. ليك نام وانت متطمن ياحبيبي وشكراً حاتم.
جائزة أفضل ممثل لعام 2020:
كما كتب الفنان مكسيم خليل قائلاً: ”شكراً لمهرجان الفضائيات العربية على منحي جائزة أفضل ممثل عربي 2020، شكراً لإلكم إنتو ولمحبتكم و لكل حدا بحس إنه ساهم ولو بجزء بسيط بهاد الشي”.
وأضاف قائلاً:”هي الجائزة مو لإلي هي الجائزة للأشخاص الحقيقيين ..أصحاب النوايا الصافية ..الضمير الحي .. الحب الصادق.. والإنسانية على الأرض كانوا أو بالسما”.
وتمنى جميع المعجبين والمعجبات لمكسيم خليل التوفيق والنجاح والإزدهار في جميع أعماله الفنية القادمة.
النجم السوري مكسيم خليل شارك مؤخراً في مسلسل “المنصة” إلى جانب نخبة كبيرة من نجوم الدراما السورية والعربية.
يمكن قراءة المزيد من أخبار الفن والنجوم والمشاهير من خلال الضغط هنا
