نصائح عامة بالطبخ
نصائح عامة بالطبخ.
إليك سيدتي بعض أسرار تحضير الأطباق الرئيسية في المطبخ:
• الملوخية وطبخات اللبن والطحينية ما بيتغطوا أبداً أثناء الطبخ أو بعده لحتى يبردوا.
الملوخية بتسود وبتفصل واللبن والطحينية بيفرطوا.
•عدم وضع الملح على طبخات اللبن الرايب إلا بعد استوائها لأنه ممكن يفرط.
• عدم فتح القدر على ورق العنب لأنه رح يسود ويقسى، استخدمي عيار ساعة ونص بالطنجرة العادية وساعة إلا ربع بالضغط واتركيه مسكر حتى يدفأ وشوفي لونه الأخضر ما أحلاه .
• يفضل مع سلق ورق العنب وضع القليل من ملح ليمون بيحافظ على لونه على صفار عند الطبيخ وما بيسود.
•قطعي الباذنجان بالطول ورش الملح عليه ما بيشرب زيت وبعد ربع ساعة من رش الملح عليه اغسليه وصفيه غطيه بطحين واقليه بزيت حامي أولها وبعدين خففي النار بيطلع مقرمش وناشف وشكله بيشهي.
•إياكِ وضع الخل بماء سلق اللحمه فيتحول لونها أسود.
سر العجين والكبسة وقلي السمك
•سر طراوة العجين ضعي ملعقة خل أبيض ومعلقتين من اللبن تصبح العجينه هشه وطريه ولونها أبيض.
•عند قلي السمك ضعي قليل من رشة الفانيلا البودره في الزيت حتى لا تظهر رائحة السمك في البيت.
• سر الكبسه اعصري برتقاله فوق الكبسه عند استوائها أو برش البرتقال بيعطيها طعم رائع، وبالنسبه للزبيب انقعيه في عصير البرتقال يصبح طعمه خيالي.
•أهم شيء بالكبسة والصيادية عدم وضع بندورة معصورة عالخلاط بتخبص الرز وإنما وضع معجون البندورة.
• للمحافظة على ثوم الخزين بدون ما يفضى لفترة طويله تصل لسنتين ويمكن أكتر افصلي سنون الثومه عن بعض بدون تقشير وحطيهم بقنية وفي الثلاجه وكل ما بدك طولي من الثلاجه وبكون سهل بالتقشير.
•بأعواد الأسنان اثقبي حبة الكوسا 3ثقوب قبل الطبخ يساعد على دخول الماء إلى داخلها وبستوي الرز كله
ثم اطبخي أول ثلث ساعة بمية وملح لحالها بعدين بتضيفي دبس البندورة أو اللبن.
• للمحافظة على الخضار فتره طويله احفظيها بكيس خيش أو كيس أرز بسمتي يبقى لمدة ثلاثه أشهر في الثلاجة.
•الدجاج يجب عدم تغطيته وقت السلق لخروج كل الزفر.بفرق بطعمه كثيراً وإذا بقدر الضغط نفس المبدأ نشيل الزفر ثم نقوم بتغطيته، بتفرق كثير بالطعم.
•إذا طبختي لبن رايب وحسيته فرط بس يبرد شوي عيدي عليه بالخلاط بيرجع تمام.
•لتبييض لون الحمص نضع بالخلاط عند الطحن قطعة ثلج أو فرزي الحمص ساعتين قبل الطحن يصبح لونه أبيض وطعمه ألذ.
•إذا تم نقع الأرز ولم تأتي الفرصة لطبخه بنفس اليوم نضيف له الملح ونضعه بماءه بالثلاجة يبقى يومين تلاتة وما بيتأثر
ووقت الطبخ إغسليه منيح من الملح.
•عند شوي السمك بالصينية أو الجريل ضعيه فوق شرائح الليمون و أعشاب بيعطيه ريحة وطعم روعة ويمنع التصاقه.
• ضع/ي رشة سميد تحت عجينة البيتزا أثناء فردها بتعطيها قرشة مرتبة ولون حلو وما بتلزق .
يمكن الاطلاع على المزيد من وصفات أشهى الأطعمة والحلويات بالإضافة إلى نصائح متنوعة تتعلق بالأغذية والمطبخ من خلال الرابط التالي: https://jordanrec.com/archives/category/innovations-and-inventions
